Free The Nipple teppi uppskrift

Þetta teppi er hluti af seríu sem nefnist Söguþráður og samanstendur af hekluðum værðarvoðum af ýmsu tagi. Þau eiga það öll sameiginlegt að vera innblásin af kvenlegum arfi og hekluð úr íslenskri ull.

Þetta teppi – Free The Nipple – er innblásið af samnefndri hreyfingu sem á íslensku var kölluð Brjóstabyltingin. Brjóst eru mjúk og brjóst eru allskonar. Engin tvö eins, ekki einu sinni á sömu konunni. Hvað er betra en að ylja sér við hlýjan barm?

Efni: Léttlopi í margvíslegum litum. Tilvalið að nota afganga. Teppið vegur alls um 850g.  

Heklunál: 5mm.

Mál: Breidd ca 95cm. Lengd: ca 150cm.