Random uppskrift

Random er hekluð ofan frá í heilu lagi, berustykkið er með laska-lagi og að því loknu er skipt í ermar og bol. Ermar og bolur eru hekluð beint niður. Unnið er með dæmigert „granny-square“ heklmynstur (ömmudúllu), þ.e. klasa af 3 stuðlum með 1 loftlykkju á milli (3 Ll á mótum fram/bakstykkis og erma). 

Garn 

Allskonar garn (gjarnan afgangar) með grófleika á bilinu frá fingering til DK,

jafnvel rúmlega það. Hægt er að vinna með einn aðallit og aukaliti að vild.

Ég notaði 1 dokku af Lana Grossa: Mellenweit 100 Color Mix Sparks, lit 7614

(100g/400m) sem grunnlit í peysuna á myndunum.   

Magn                Peysan á myndunum (L) vegur alls 370g

Aukahlutir     4 opnanleg prjónamerki

Heklunál         5-6 mm, eftir því hve fast er heklað

Heklfesta:       8 umf og 5 stuðlaklasar (3 St með 1 Ll á milli) gera 10x10cm.

Stærð               Tvær grunnstærðir, S/M og L/XL. Munurinn milli þessara stærða felst í vídd hálsmáls og breidd handvegar. Síðan ræðst stærðin að vild af því hversu djúpt berustykkið er heklað. S/M verður nær S ef berustykkið er grunnt, en nær M með dýpra berustykki. Sama með mun á L/XL. Hægt er að draga saman hálsmálið að vild.